Свердловск өлкәсенең Боланаш бистәсендә мәчет ачыла
Хәзерге вакытта мәчеттә ир-атлар һәм хатын-кызлар өчен аерым заллар, уку сыйныфлары, мөселман атрибутикасы сатыла торган кечкенә кибет эшли.
Скопировать ссылку
(Казан, 5 февраль, «Татар-информ»). Свердловск өлкәсенең Боланаш бистәсендә мәчет ачылуга әзерләнәләр. Бу хакта Бөтендөнья татар конгрессы матбугат хезмәте хәбәр итә.
Боланаш шахтерлар бистәсендәге иман йорты халык көче белән инде ун елдан артык төзелә. Хәзерге вакытта биредә ир-атлар һәм хатын-кызлар өчен аерым заллар, уку сыйныфлары, мөселман атрибутикасы сатыла торган кечкенә кибет эшли.
Мәчеттә шулай ук зур мөселман бәйрәмнәре вакытында аш үткәрү өчен махсус бүлмә дә бар.