Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Свердловск өлкәсендә татар әдәбияты һәм сәнгате көннәре уза
Екатеринбургта татар һәм рус теләрендә авторлык шигырьләр, “Курай” татар һәм башкорт мәдәнияте ансамбле башкаруында җырлар яңгырый.
(Казан, 15 ноябрь, «Татар-информ»). 13 ноябрьдә Екатеринбург шәһәрендә Татарстан Республикасы язучылар берлеге делегациясе катнашында җәмәгать эшлекләре, Свердловск өлкәсе шагыйрьләре һәм язучылары, Урал язучылары Ассоциациясе, Россия язучылар берлегенең Екатеринбургтагы бүлекчәсе җитәкчеләре белән очрашу узган.
Урал якларына Татарстаннан ТР язучылары берлеге рәисе Данил Сәлихов, мәшһүр язучылар Нәбирә Гыйматдинова, Рифа Рахман һәм Ләбиб Лерон сәяхәт кылган.
Кунакларны Татарстанның Свердловск өлкәсендә Тулы вәкаләтле вәкиле Ринат Садриев, Урал язучылар Ассоциациясе координаторы Александр Кердан, Россия язучылар берлегенең Екатеринбургтагы бүлекчәсе җитәкчесе Евгений Касимов, Россия язучыларының берлегенең Екатеринбургтагы бүлекчәсе җитәкчесе Арсен Титов каршы алган. Казан делегациясе үзләре белән китаплар алып килгән иде, Урал язучылары да үзләренең китапларын бүләк иткәннәр.
Кичәдә татар һәм рус теләрендә авторлык шигырьләр, “Курай” татар һәм башкорт мәдәнияте ансамбле башкаруында җырлар башкарылган. “Каюм Насыйри институты” фәнни-мәгариф үзәгенең Екатеринбургтагы филиалы тыңлаучылары Габдулла Тукай әсрләренә язылган җырларны башкарганнар, шигырьләрен укыганнар.
Язучылар берлеге арасында хезмәттәшлек итү турында дүрт яклы килешү имзаланган.
Ринат Садриев әйтүенчә, бу килешү алга таба хезмәттәшлек итү зур юлларны ачачак, хезмәттәшлек итү буенча чаралар планы да бар.
Татар мәдәнияте һәм сәнгате көннәре Свердловск өлкәсенең Красноуфимск, Ачитск, Артинск шәһәр округларында һәм Түбән Сергин муниципальном районда дәвам итәчәк. Татар язучылар 11 авыл халкы белән очрашулар үткәрергә планлаштыра. Татар әдәбияты көннәрен ябу тантанасы 16 ноябрьдә Түбән Сергин районы Аракай авылында узачак.
Татар әдәбияты һәм сәнгате көннәре Свердловск өлкәсе һәм Татарстан мәдәният министрлыклары ярдәме белән Татарстанның Свердловск өлкәсендә Тулы вәкаләтле вәкиллеге белән берлектә “Татар конгрессы (Урал татарлары)” иҗтимагый төбәк оешмасы тарафыннан үткәрелә.
Кызыклы яңалыкларны күзәтеп бару өчен Телеграм-каналга язылыгыз