Сургутта юбилейлы Сабан туе узачак
Чарага Татарстан һәм Башкортстаннан да артистлар килүе көтелә.
Скопировать ссылку
(Казан, 6 июнь, “Татар-информ”, Лилия Локманова). 18 июнь көнне Сургут каласында татарларның милли бәйрәме Сабан туе узачак. Аны быел 30 нчы тапкыр үткәрергә планлаштыралар. Бу хакта “Татар-информ” мәгълүмат агентлыгына Сургут шәһәре иҗтимагый татар милли-мәдәни оешмасы хәбәр итте.
Билгеле булганча, бәйрәм “Спортивное ядро” стадионында сәгать 11 дә башлана. Чарага Татарстан һәм Башкортстаннан да артистлар килүе көтелә. Спорт ярышлары, җирле иҗат төркемнәренең чыгышлары, әлбәттә инде, милли көрәш, бәйрәмнең бизәге булачак, дип вәгъдә итә оештыручылар.
