Сургутта яңа мәчет төзелә башлаган
Шәһәрнең икенче ягында урнашкан "Чёрный мыс" җирлегендә тагын бер мәһабәт иман йорты калкып чыгачак.
Скопировать ссылку
(Казан, 11 август, "Татар-информ"). Сургут шәһәренең "Черный мыс" җирлегендә мәчет ачылачак. Бу хакта җирле татарларның милли-мәдәни автономиясе хәбәр итә.
"Белүебезчә, Сургут шәһәрендә июль аенда икенче мәчет төзелешенә нигез салынды, мәчет төзелеше эшләре башланып китте. Бик тиздән шәһәребезнең икенче ягында урнашкан "Чёрный мыс" җирлегендә тагын бер мәһабәт иман йорты калкып чыгачак", - диелә хәбәрдә.
Бүген исә Сурут мөселманнары Корбан гаетен каршы алыр өчен Җәмигъ мәчетенә ашыккан. Иртәнге гает намазын Сургут мәчете имам - хатибы Камил хәзрәт Саматов укыган, барлык мөселман халкын изге бәйрәм белән котлаган.