Сургутта татар хатын-кызларының милли баш киеме – калфак тегү мастер-классы узачак
Скопировать ссылку
23 майда 12:00 сәгатьтә Сургут шәһәрендә барлык теләүчеләр өчен татар милли баш киеме – калфак тегү мастер-классы оештырылачак. Бу хакта Сургут шәһәре татарлары милли-мәдәни автономиясе хәбәр итә.
Чара программасында:
- Татар милли баш киемен ясау серләре һәм традицияләре белән танышу;
- Тәҗрибәле осталар җитәкчелегендә калфак тегү.
Оештыручылар билгеләп үткәнчә, мастер-класста катнашу өчен махсус әзерлек таләп ителми. Калфак ясау өчен барлык кирәкле материаллар урында биреләчәк.
Фото: Сургут шәһәре татарлары милли-мәдәни автономиясе