Сургут Сабан туенда Әлмәт спортчысы Рөстәм Йосыпов батыр калган
Милләттәшләребез Сургутта Сабан туен быел 31 нче тапкыр оештырды.
Скопировать ссылку
(Казан, 25 июнь, "Татар-информ"). Сургут Сабан туенда Әлмәт спортчысы Рөстәм Йосыпов батыр калган. Бу хакта Сургут татарлары милли-мәдәни автономиясе хәбәр итә.
Милләттәшләребез Сургутта Сабан туен быел 31 нче тапкыр оештырды.
"Әмма мондый бәйрәм беренче тапкыр узды. Чөнки быел шундый зур чараны Татарстанның нефть башкаласы - Әлмәт шәһәре оештырды. Сургут дәүләт театры каршындагы мәйдан татар-башкорт авылына әверелде. Ике сәхнә эшләде. Анда җирле иҗат төркемнәре һәм Татарстанның танылган артистлары чыгыш ясады. Күргәзмәләр, уеннар оештырылган иде", - диелә хәбәрдә.
