Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Сугышта һәлак булган журналист һәм полиграфистлар хөрмәтенә истәлек плитәсе ачылды
Соңрак анда Ватан азатлыгы өчен һәлак булган журналистлар һәм полиграфистларның исемнәре уелып языла
(Казан, 5 май, “Татар-информ”, Айгөл Фәхретдинова). Бүген “Идел-пресс” полиграфия-нәшрият комплексы янында Бөек Ватан сугышында һәлак булган журналистлар һәм полиграфистлар хөрмәтенә истәлек плитәсе ачылды. Моннан биш ел элек комплекс бинасы артында ул сугышчы-полиграфистлар истәлегенә куелган иде инде. Бөек Җиңүнең 65 еллыгы уңаеннан, “Татмедиа” агентлыгы белән “Идел-пресс” инициативасы белән, аны яңартырга һәм урынын да түргәрәк күчерергә булганнар. “Идел-пресс”ның генераль директоры Ислам Әхмәтҗанов белдергәнчә, истәлек плитәсен, аның янындагы аллеяны яңартуга атна-ун көн вакыт киткән.
Язучы-эзтабар Рафаэль Мостафин белдерүенчә, Бөек Ватан сугышы елларында ил азатлыгы өчен фронтларда үткен кылычы һәм каләме белән Татарстаннан 118 язучы һәм журналистның көрәшүе мәгълүм. Шуларның 31 е яу кырында башын салган. “Идел-пресс”ның генераль директоры Ислам Әхмәтҗанов хәбәрчебез белән әңгәмәсендә сугышчы-полиграфистлар хакында төгәл мәгълүматларны хәзергә кадәр ачыклау дәвам итүен җиткерде. Аның ышандыруынча, тиздән бу монументка Ватан азатлыгы өчен һәлак булган журналистлар һәм полиграфистларның исемнәре уелып язылачак.
Бүгенге тантана ветераннарның “Радуга” җыр һәм бию ансамбле чыгышы белән башланып китте. Хәтер яңарту урынына веноклар салынганнан соң, Ватан азатлыгы өчен көрәштә башларын салган сугышчылар бер минут тынлык белән искә алынды. Истәлек плитәсен ачу тантанасында сугыш ветераннары, тыл хезмәткәрләре, фашист концлагерьларының балигъ булмаган тоткыннары, каләм ияләре һ.б. катнашты.
Кызыклы яңалыкларны күзәтеп бару өчен Телеграм-каналга язылыгыз