Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Суд Кама Аланының элеккеге башлыгы Сәлахетдиновка ришвәт алган өчен хөкем карары чыгарды
Түбән Кама шәһәр суды Кама Аланы бистәсенең элеккеге башлыгы Ринат Сәлахетдиновка хөкем карары чыгарды. Аны «Ришвәт алу» маддәсе буенча гаепле дип таныдылар.
Татарстан прокуратурасы хәбәр иткәнчә, гыйнварда Сәлахетдинов «Безнең йорт – Кама Аланы» фирмасы директорыннан 108 мең сумлык кәрәзле телефон алган. Ришвәтне арадашчы ташырган.
Моның өчен Сәлахетдинов фирмага ярдәм итәргә – дәүләт контрактлары буенча кирәкле документларны имзаларга, яңа контрактлар төзергә һәм мөмкин булган хокук бозуларга күз йомарга тиеш булган.
Суд бистә башлыгын шартлы рәвештә 5 елга ирегеннән мәхрүм итте, 5 ел сынау срогы билгеләде һәм 324 мең сум штраф салды. Шулай ук Сәлахетдинов 2 елга дәүләт хезмәтендә һәм җирле үзидарә органнарында эшләү хокукыннан мәхрүм ителде.
Кызыклы яңалыкларны күзәтеп бару өчен Телеграм-каналга язылыгыз