Хәвеф-хәтәр 10 гыйнвар 2025 16:44

Суд Актаныш районы Башкарма комитетының элеккеге җитәкчесе Ильясовны сак астында калдырды

Скопировать ссылку

Татарстан Югары суды Актаныш районы Башкарма комитетының элеккеге җитәкчесе Рөстәм Ильясовны сак астыннан азат итүдән баш тартты. Бу хакта «Татар-информ»га ТР Югары суды матбугат хезмәтендә сөйләделәр.

«Бер адвокат Ильясовны өй арестына җибәрүне сорады, икенчесе карарны гамәлдән чыгаруны, тикшерүченең үтенечен канәгатьләндерүдән баш тартуны сорады. Суд утырышы видеоконференцэлемтә режимында узды. Ильясов сәламәтлегенә зарланган һәм шулай ук судтан үзенә өй аресты рәвешендә чикләү чарасын сайларга сораган», - дип сөйләделәр судның матбугат хезмәтендә.

Утырыш барышында Башкарма комитетның элеккеге җитәкчесе өченче төркем инвалид булуын, хроник ринитлы бронхиаль астма булуын искәртте.

Рөстәм Ильясовны «аеруча зур күләмдә ришвәт алу» һәм «мошенниклык» маддәләре буенча гаеплиләр. Узган елның язында ул «Строймус» компаниясе вәкилләреннән ришвәт алган.

Утырыш нәтиҗәләре буенча чикләү чарасы үзгәрмәде, һәм Ильясов сак астында калды. Анда ул ким дигәндә 20 гыйнварга кадәр булачак.

Сәхифәләр

Суд Актаныш районы Башкарма комитетының элеккеге җитәкчесе Ильясовны сак астында калдырды