Лаеш техникумы студентлары махсус операциядә катнашучыларга адреслы ярдәм тапшырды
Лаеш техник-икътисад техникумы студентлары махсус хәрби операциядә катнашучылар өчен адреслы ярдәм җыйдылар.
Акциянең инициаторы - Лаеш районының «Үзебезнекеләргә ярдәм» хәйрия фонды. Укучылар һәм укытучылар хәрби бүлекчәләрнең заявкалары буенча кирәкле җиһазлар сатып алды.
Ярдәм составына 291 МСП өчен биш Lipo аккумуляторы, төрле заявкалар буенча 21700 форматындагы йөз аккумулятор, шулай ук 291 МСП өчен Radio Master идарә итү пультын сатып алуга юнәлдерелгән 30 мең сум акча кергән.
Техник чаралардан тыш, студентлар хәрбиләр өчен тәм-том җыйган һәм хатлар салынган тартма да әзерләгән.
«Үзебезнекеләргә ярдәм» фонды җитәкчесе Марина Порфирьева акциядә катнашучыларга рәхмәт белдерде.
ТР Рәисе Рөстәм Миңнеханов Татарстан Дәүләт Советына юлламасында волонтерларга махсус хәрби операциягә ярдәм итүдә өлеш керткәннәре өчен рәхмәт белдерде.
«Без катлаулы чорның җәмгыятебезне ничек берләштерүен күрәбез. Татарстанлылар йөрәк кушуы буенча безнең хәрбиләргә, аларның гаиләләренә ярдәм күрсәтә, фронт һәм шефлыкка алынган шәһәрләр – Лисичанск һәм Рубежное өчен гуманитар ярдәм җыя. Барыгызга да бу мөһим эш өчен рәхмәт белдерәсем килә», - диде ул.
Татарстанның Лаеш районы матбугат хезмәте фотолары