Мәдәният 28 сентябрь 2022 10:21

Студентлар һәм өлкән сыйныф укучылары «ҖырлаОке» бәйгесендә катнаша ала

Скопировать ссылку

3 октябрьдә Чаллыда «ҖырлаОке» бәйгесе башлана. Анда катнашучылар конкурс ярдәмендә иҗат процессы аша татар музыкасы турындагы белемнәрен тирәнәйтә алачак. Бу хакта Бөтендөнья татар конгрессының матбугат хезмәте хәбәр итә.

Конкурста Автокаланың югары һәм һөнәри белем бирү оешмалары студентлары, шулай ук шәһәр мәктәпләренең өлкән сыйныф укучылары катнашачак.

Бәйгедә катнашу өчен 6 кешедән торган командалар чакырыла, аларның һәркайсының исеме һәм капитаны булырга тиеш. Җиңүчеләргә дипломнар тапшырылачак.

Гаризалар 1 октябрьгә кадәр mizgel1919@mail.ru электрон адресына кабул ителә.

Музыкаль бәйге өч этапта уза. Беренче этап – 6, икенче этап – 10, өченче этап (финал) 17 октябрьгә 15.00 сәгатькә билгеләнгән.

Беренче этапта түбәндәге биремнәр каралган:

«Караоке-баттл»: командалар алдан әзерләнгән җырны күмәкләп башкарырга тиеш;

«Билгеле бер тематикадагы җырны исеңә төшер»: командаларга билгеле бер тема бирелә, аның буенча мөмкин кадәр күбрәк җырны искә төшерергә кирәк;

«Көйне таны»: һәр команда җырның кечкенә генә өзеге яңгыраганнан соң аны танырга тиеш.

Сәхифәләр

Студентлар һәм өлкән сыйныф укучылары «ҖырлаОке» бәйгесендә катнаша ала