Түбән Кама медицина көллияте студентлары «Профессионаллар» бәйгесендә призлы урыннар алды
«Профессионаллар» һөнәри осталык чемпионатының йомгаклау (төбәкара) этабында Татарстан исеменнән чыгыш ясаган «Түбән Кама медицина көллияте» студентлары призлы урыннар яулады. Бу хакта ТР Сәламәтлек саклау министрлыгы хәбәр итә.
Татарстан командасы республиканы «Акушерлык эше» һәм «Сәламәтлекне саклаучы персональләштерелгән технологияләр» компетенцияләре буенча тәкъдим итте. Чемпионат 13-17 апрельдә Башкортстанда узды.
III курс студенты Азалия Кадермәтова «Акушерлык эше» белгечлеге буенча өченче урынны алды, ә I курс студенты Елизавета Яушева «Дәвалау эше» белгечлеге буенча бронза медальгә лаек булды.
«Профессионаллар» чемпионаты «Яшьләр һәм балалар» көмеш илкүләм проектының «Профессионалитет» федераль проекты буенча уздырыла.
