Татарстанда студентларга Пилотсыз системалар гаскәрләрендә хезмәт итү турында сөйлиләр

Татарстан Хәрби комиссариаты хезмәткәрләре көллият студентларына Пилотсыз системалар гаскәрләрендә контракт буенча хезмәт итүнең өстенлекләре турында сөйли, дип белдерде Казанда контракт буенча хәрби хезмәткә сайлап алу пункты офицеры Егор Горячев «Татар-информ» агентлыгына.

«Студентларга РФ Саклану министрлыгы белән махсус шартларда Пилотсыз системалар гаскәрләрендә контракт буенча хезмәт итү мөмкинлеге турында сөйлибез. Инде билгеле булганча, алар белән контракт билгеле бер срокка төзелә һәм автомат рәвештә озайтылмый. Чакырылыш буенча хезмәт итү елын шул ук срокка контракт буенча хезмәт итүгә алыштыру мөмкинлеге студентларга бик кызыклы. Шул ук вакытта, Пилотсыз системалар гаскәрләрендә кандидатларны ай ярымнан өч айга кадәр укыту каралган, ә контракт тәмамлангач хәрби хезмәткәр хәрби хәрәкәтләр ветераны булачак. Ул шулай ук барлык ташламалар һәм түләүләргә дә исәп тота ала», – диде Егор Горячев.

Татарстанда Пилотсыз системалар гаскәрләрендә хезмәт итү турында контрактка кул куярга теләүчеләр өчен 117 хезмәте аерым кайнар элемтә линиясе ачты, аңа 117 номеры буенча шалтыратып һәм 4 төймәсенә басып эләгергә мөмкин. Әгәр дә кандидат беренчел параметрлар буенча Пилотсыз системалар гаскәрләрендә контракт төзү өчен туры килсә, аның контакт мәгълүматларын сайлап алу пунктындагы белгечкә тапшырачаклар.

Бу төр гаскәрләрне булдыру турында 21 ноябрьдә полковник Пилотсыз системалар гаскәрләре башлыгы урынбасары Сергей Иштуганов хәбәр итте.

Яңа гаскәр хәрбиләре җирдә пилотсыз очучы, йөзүче һәм хәрәкәт итүче бөтен нәрсә белән идарә итәчәк. Моңа «Герань» да, «Странник» чылбырлы дроннары да, экипажсыз катерлар да керә.

Бу гаскәрләрдә контракт шартлары бераз аерыла. Төп аерма – хезмәт итү вакыты автомат рәвештә озайтылмый, хәтта хәрби хәрәкәтләр контракт ахырына якынлашкан вакытта тәмамланмаса да. Контрактның минималь вакыты - бер ел. Моннан тыш, хәрби хезмәткәрне башка гаскәрләргә күчермәячәкләр, өйрәтү Татарстан белән күрше төбәкләрдә ким дигәндә ике ай дәвам итәчәк.

1 гыйнвардан Татарстанда РФ Саклану министрлыгы белән контракт төзергә теләүче гражданнарга түләүләрне 2,9 миллион сумга кадәр арттырдылар - бу илдә иң югары түләүләрнең берсе. Әлеге түләү ике өлештән тора: 2,5 миллион сум Татарстан бюджетыннан бүленә, ә 400 мең сумны министрлык бирә.

Моннан тыш, нәкъ менә Татарстанда махсус хәрби операциядә катнашучылар һәм аларның гаиләләре өчен 3 меңгә якын ярдәм чарасы гамәлдә.

РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры һәм 117 кол-үзәк төбәкара номеры буенча мөрәҗәгать итәргә була.