Татарстан районнары махсус хәрби операция зонасына гуманитар йөк җибәрде
Бүген Татарстаннан махсус хәрби операция уздыру зонасына ике КАМАЗ белән чираттагы гуманитар конвой китәчәк. Гуманитар ярдәм җыюда республиканың берничә районы катнашты. Йөк составына УАЗ автомобиле һәм мотоцикл кергән.
«Мин махсус хәрби операциягә йөрәк кушуы буенча киттем. Без, ветераннар, бер-беребезгә җайлашырга, әмма беренче чиратта без андагыларга ярдәм итәбез. Безнең йөкнең төп өлеше - турельләр. Аларны Лаешта ясыйлар һәм хәрбиләргә бушлай тапшыралар. Шулай ук азык-төлек, УАЗ автомобиле, мотоцикл, бензин пычкылары, генераторлар һәм тагын бик күп нәрсәләр алып барабыз. Мондый меценатлар - чын кешеләр», - дип сөйләде махсус хәрби операция ветераны Айрат Сабиров.
Йөкне җибәрү Татарстан Республикасы Махсус хәрби операция ветераннары ассоциациясе инициативасы белән оештырылган. Йөкне җыюда Татарстанның биш районы катнашкан.
Фото: © «Татар-информ», Кирилл Гомәров
«Җыелган йөк «Барс» хәрбиләренә китәчәк. Без барысына да ярдәм итәргә тырышабыз. Хәтта хосусый контораларга да, чөнки егетләр эшли, бурычларны үти, моның кадерен белергә кирәк», - дип белдерде махсус хәрби операция ветераны Рәмис Гобәйдуллин.
Гуманитар ярдәм җыю һәм җибәрүдә ТР Махсус хәрби операция ветераннары ассоциациясе генә түгел, башка волонтерлык оешмалары да катнашты.
«Алдан ук җыелган акчаларга инструментлар сатып алдык, шулай ук үзебезнең цехта бәйләнгән маскировка челтәрләре бирдек. Булдыра алганның барысын да җыйдык», - диде Васильево бистәсенең «Бердәмлек» штабы тегү цехы җитәкчесе Эльвира Сәләхетдинова.