Татар дөньясы 22 декабрь 2016 14:24

Әстерханлылар Казанга йөрүче поездны кире кайтаруны сорый

Губернаторга 2017 елда Әстерханда Федераль Сабан туе узачагын искә төшергәннәр.

Скопировать ссылку

(Казан, 22 декабрь, "Татар-информ") Әстерханда 2016 елдагы эшчәнлек нәтиҗәләренә багышлап, губернатор Александр Жилкин уздырган матбугат очрашуында журналистлар “Әстерхан-Казан” поезды хәрәкәтен торгызу турында халыкның үтенечен җиткергән. Бу хакта матбугат очрашуы оештырылган “Лотос” дәүләт телерадиокомпаниясе хәбәр итә.

2017 елда Әстерханда ил күләмендәге татар милли бәйрәме - Федераль Сабан туе үтәчәген, ике төбәкне күпьеллык дустанә мөнәсәбәтләр бәйләвен искәртеп, әлеге сорауны берьюлы берничә журналист ирештергән.

Күптән түгел Казан белән Әстерхан арасында поезд йөртүне сорап, журналистлар Саратовта Идел буе тимер юллары җитәкчесе Сергей Әлмиевка да юллаган булган. Ул үз чиратында, бүген тимерюлчылар бу маршрутка ихтыяҗны өйрәнә, дип белдергән.

Әстерхан губернаторы исә тимерюлчыларга маршрутның кирәклеген исбатларга вәгъдә иткән, диелә хәбәрдә.

#Әстерхан #федераль Сабантуй #федераль Сабан туе #Федераль Сабан туе-2017

Сәхифәләр

Әстерханлылар Казанга йөрүче поездны кире кайтаруны сорый