Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әстерханда татар авыллары һәм бистәләренең иң матур рәсемен сайлаячаклар
Җиңүчеләргә мактау грамоталары һәм истәлекле бүләкләр тапшырылачак.
(Казан, 4 ноябрь, «Татар-информ», Гадел Әхмәтҗанов). Әстерханның «Дуслык» татар милли-мәдәни җәмгыяте балалар арасында «Әстерханның татар авыллары һәм бистәләре» дигән рәсем ясау конкурсы игълан итте. Ул онлайн форматта уза.
«Рәсемнәр А4 битендә яңа гына ясалырга, моңа хәтле башка бәйгеләрдә тәкъдим ителмәгән булырга тиеш», — дип яза Әстерханның «Дуслык» татар милли-мәдәни җәмгыяте Инстаграмдагы сәхифәсендә.
Оештыручылар ассызыклавынча, эшләр бәйге темасына туры килергә, шулай ук, креатив, пөхтә, сыйфатлы, тамашачыга эмоциональ тәэсир итәрдәй булырга тиеш.
Онлайн-конкурс 14 ноябрьгә кадәр дәвам итә. Җиңүчеләргә мактау грамоталары һәм истәлекле бүләкләр тапшырылачак. Тулырак мәгълүмат һәм катнашу кагыйдәләре белән сылтама аша кереп таныша аласыз.
Кызыклы яңалыкларны күзәтеп бару өчен Телеграм-каналга язылыгыз