Әстерхан яшьләре өчен "Мин-лидер" проекты кабат оештырыла
Анда төрле өлкәдә активлык күрсәткән 13-17 яшьлек егетләр һәм кызлар катнашырга хокуклы.
Скопировать ссылку
(Казан, 28 март, "Татар-информ"). 25-29 март көннәрендә Әстерханда «Мин-лидер» проектын кабат гамәлгә ашыралар. Бу хакта Әстерхан татарларының "Дуслык" мәдәни берләшмәсе хәбәр итә.
Проект "Идел" яшьләр үзәге ярдәме белән оештырылган.
Билгеле булганча, "Мин-лидер" Әстерханда һәм Казанда өч этапта уза. Анда фән, спорт, иҗтимагый тормышта һ.б. юнәлешләрдә актив булган 13-17 яшьлек егет һәм кызлар катнашырга хокуклы.
"Мин-лидер" Әстерханда соңгы тапкыр узган елның сентябрь азагында булган иде.
