Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әстерхан табиблары Республика онкологик клиник диспансерга тәҗрибә уртаклашырга килгән
Делегациягә яман шешле пациентларны дәвалауның төрле алымнары тәкъдим ителгән.
(Казан, 8 апрель, “Татар-информ”). Әстерхан өлкәсе делегациясе Республика онкологик клиник диспансер эше белән танышкан. Баш табиблар, аларның урынбасалары, бүлек мөдирләре Татарстан хастаханәсенә тәҗрибә уртаклашырга килгән. Бу хакта ТР Сәламәтлек саклау министрлыгы сайтында хәбәр ителә.
Визит барышында баш табиб Илгиз Һидиятов, аның медицина буенча урынбасары Илсур Шәймәрданов онкологик диспансерның төп юнәлешләре һәм мөмкинлекләре турында сөйләгән. Кунакларга икенче дәвалау-диагностика корпусының структур бүлекчәләре – анестезиология, реанимация һәм интенсив терапия бүлекләре эшен күрсәткәннәр.
Маммология һәм пластик хирургия бүлеге мөдире Альберт Гыймранов маммология хезмәте эше һәм реконструктив-пластик операцияләр өлкәсендә казанышлар турында әйткән. Шулай ук, яман шешле пациентларны дәвалауның төрле алымнары тәкъдим ителгән. Делегация Төш медицинасы үзәгендә дә булган.
Очрашу барышында республикада онкология ярдәме, районнарда пациентларның беренчел онкология кабинетларыннан ничек итеп Республика онкологик диспансерның махсус бүлекләренә кадәр маршрут үтүе турында фикер алышканнар.
Кызыклы яңалыкларны күзәтеп бару өчен Телеграм-каналга язылыгыз