Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Статистика: Россия пенсияләр күләме буенча дөньяда 22нче урынны били
Дөньяның төрле илләрендәге пенсияләр күләмен чагыштырганда ике алым (теге яки бу валютадагы уртача түләүләрне сумнарга күчерү яки хезмәт хакы һәм пенсияне чагыштыру) кулланыла. «Прайм» агентлыгы Дәүләт идарә университетының статистика кафедрасы мөдире вазифаларын вакытлыча башкаручы Николай Кузнецовка сылтама белән шул хакта хәбәр итә.
Эксперт билгеләп үткәнчә, әлеге алымнарның беренчесе бик үк дөрес түгел, чөнки пенсияләрнең абсолют күләмен сумнарга күчереп чагыштырганда реаль тормыш бәясендәге аерма исәпкә алынмый.
«Дөньяның төрле илләрендә кәтлит белән күмәч бәяләре арасында аерманы ачыктан-ачык күрсәтеп торган «бигмак индексын» гына искә төшерегез», - дип искәртте Кузнецов.
Пенсияләрне илдәге хезмәт хакы белән чагыштыру чынбарлыкка күбрәк туры килә. Шул рәвешле, илдәге яшәү дәрәҗәсен исәпкә алып, кешенең лаеклы ялга чыкканнан соң кереме күпмегә кимүен күрергә мөмкин. Әйтик, Россиядә пенсия хезмәт хакы күләменең 29 процентын каплый, нәтиҗәдә, ул дөньякүләм рейтингта 22нче баскычны били.
Кызыклы яңалыкларны күзәтеп бару өчен Телеграм-каналга язылыгыз