Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстанның Стәрлетамак шәһәрендә Шәехзадә Бабичка бюст ачылды
Бүген Башкортстанның Стәрлетамак шәһәрендә күренекле җәмәгать эшлеклесе һәм шагыйрь Шәехзадә Бабичка бюст ачылды. Бу хакта «Башинформ» агентлыгы хәбәр итә.
Бөтендөнья башкорт корылтаеның матбугат хезмәтендә белдерүләренчә, ул Башкорт дәүләт университетының Стәрлетамактагы филиалы бинасында урнаштырылган. Аны югары уку йортына Стәрлетамак шәһәренең башкорт корылтае бүләк иткән.
Бюст шәһәрдәге архитектура һәйкәле саналган тарихи биналарның берсендә куелган – хәзер биредә педагогика һәм психология факультеты аудиторияләренең бер өлеше урнашкан.
Бюстның авторы – скульптор Владимир Дворник. Аның танылган һәм әһәмияткә ия эшләре арасында Уфада шагыйрь-мәгърифәтче Мифтахетдин Акмулла һәйкәлен; СССРның халык артисты Арслан Мөбарәков һәйкәлен; Башкортстанның халык язучысы Зәйнәп Биишева бюстын; Уфаның Җиңү паркындагы үзәк аллеяда Миңнегали Шәйморатов һәм Таһир Кусимов бюстлары бар.
Стәрлетамактагы бюст – күренекле шагыйрьгә куелган бишенче һәйкәл, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз