Россиядә картлык буенча уртача пенсия 27,3 мең сумнан артты
2026 елның 1 октябрендә Россиядә картлык буенча уртача иминият пенсиясе аена 27 322 сум тәшкил итте. Бер ел эчендә аның күләме 2 мең сумнан артты. Дәүләт статистикасы базасында дөнья күргән һәм РИА Новости агентлыгы өйрәнгән Россия Социаль фонды мәгълүматлары шуны раслый.
2025 елның октябрендә картлык буенча уртача пенсия 25 198 сум тәшкил иткән иде. Шул рәвешле, бер ел эчендә ул 2 124 сумга арткан.
Шуның белән бергә, түләүләрнең күләме пенсионерның эшләвен дәвам итү-итмәвенә бәйле. Уртача алганда, эшләүче пенсионерлар аена – 25 253 сум, ә эшләмәүчеләр 27 882 сум ала.
Картлык буенча иминият пенсиясе Россиядә законда күрсәтелгән яшькә җиткәч билгеләнә. Аны алу өчен шулай ук билгеле бер эш стажына ия булырга һәм җитәрлек күләмдә пенсия баллары тупларга кирәк.