Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Спортчыларда бронхиаль астманы дәвалый торган кайбер дарулар допинг санала
Рөстәм Фәссахов спортчыларда бронхиаль астма киң таралуын белдерде.
![Спортчыларда бронхиаль астманы дәвалый торган кайбер дарулар допинг санала](https://tatar-inform.tatar/resize/shd/images/uploads/news/2017/12/11/2a125cf21339c79ac74db05eb547f6d5a8e9e9de3d69e576a0e6fa57d068.jpg)
(Казан, 11 декабрь, “Татар-информ”, Гөлнар Гарифуллина). Бронхиаль астманы дәвалау өчен препаратлар спортчылар өчен допинг булып тора. Бу хакта бүген бүген “Татар-информ” мәгълүмат агентлыгында бронхиаль астмага каршы көрәш көненә багышланган матбугат конференциясендә Татарстан Сәламәтлек саклау министрлыгының баш аллерголог-иммунологы Рөстәм Фәссахов хәбәр итте.
"Бүген астма спорт дөньясында мөһим проблемага әйләнде", – дип Рөстәм Фәссахов Норвегия җыелма командасында биатлончылар һәм чаңгычыларның күпчелегендә астма булуын әйтте.
"Футболчы Дэвид Бекхэм – астматик. Бүген сәламәт спортчыларның шелтәсе бар, чөнки астманы дәвалый торган препаратларны сипсәң, бронхлар 20 процентка диярлек киңәя. Ә сәламәт кешеләрнеке 10 процентка. Ягъни, бронхларга кислород күбрәк керә дигән сүз, кайбер узышларда җиңәр өчен дә бу роль уйнарга мөмкин. Спортчыга даруны табиб эчәргә куша, ә ул, баксаң, допинг кебек кабул ителә. Халыкара допингка каршы комитет рәисе үз вакытында астматиклар өчен аерым Олимпиада ясыйсы булыр дип тә әйткән иде, чөнки спортчылар канәгать түгел. Астма белән чирләүчеләр артык күп алайса. Ингаляторлар бронхларны киңәйтә, алар спортчылар өчен катгый тыелган эфедринның туганы санала", – ди Рөстәм Фәссахов.
Кызыклы яңалыкларны күзәтеп бару өчен Телеграм-каналга язылыгыз