Алексей Терещенко “Ак Барс”ка кайтты

Казан командасына элеккеге уенчылары кайта
(Казан, 29 май, “Татар-информ”). “Ак Барс”ка элеккеге уенчылары кайтты. Бүген Казан клубының рәсми сайты һөҗүмче Алексей Терещенко, сакчылар Игорь Щадилов һәм Яков Селезнев белән килешү төзелүен хәбәр итте. Алексей белән Игорь “Ак Барс”тан киткәч, ике сезонны “Салават Юлаев”та уздырган иде. Селезнев соңгы сезонда Хабаровски “Амур”ында уйнады.