Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәттән 63 яшьлек имам Илдус хәзрәт Маликов бер тәүлектә 110 чакрымны йөгереп үтте
Илдус хәзрәт «Оныгың белән нинди телдә сөйләшәсең?» плакатын күтәреп йөгерде, ул татар дин әһелләре эшләгән, җирләнгән урыннарга тукталышлар ясады.
(Казан, 29 март, «Татар-информ»). 27 мартта Әлмәт районының Салкын Алан авылы имамы Илдус хәзрәт Маликов 110 чакрым йөгерде. Аның юлы Мамадыш районы Соколка авылыннан башланып, Әлмәт районының Салкын Алан авылында тәмамланды.
Әлеге йөгереш Идел буе Болгар дәүләтендә Ислам динен кабул итүнең 1100 еллыгына һәм Салкын Алан авылына 100 ел тулуга багышланды. Бу турыда Татарстан Диния нәзарәтенең матбугат хезмәте хәбәр итте.
Илдус хәзрәт Маликов белән бергә йөгерешкә Татарстанның Карабаш бүлегенең Аксакаллар шурасы башлыгы Фазыл Вәлиәхмәтов һәм Татарстанның Түбән Кама бүлеге Аксакаллар шурасы җитәкчесе Васил Камалов та чыкты. Аларга Илдус хәзрәт Маликовның шәкерте 14 яшьлек Павел Сыбленков да кушылды.
Йөгерүчеләр татар дин әһелләре эшләгән, җирләнгән урыннарга тукталышлар ясады, Илдус хәзрәт үзе «Оныгың белән нинди телдә сөйләшәсең?» плакатын күтәреп йөгерде.
Язгы чыгу сәбәпле, Кама аша боздан йөгерү мөмкин булмаган, Чаллы күпере аша Каманың икенче ягына машина белән барганнар. Зәй районы Имәнлебаш авылы зиратына тукталып, Таҗетдин Ялчыгол каберенә кереп дога кылды. Хәзрәт Имәнлебаш авылы халкына зиратка керү юлларын кардан чистартып куйган өчен рәхмәт әйткән.
«Йөгереш вакытында Мамадыш районының Атарка авылына туктадык, анда ханнарның резиденциясе булган, догалар кылдык. Ә Түбән Кама районы Каенлы авылында Таҗетдин Ялчыгол мәдрәсәсе эшләгән. Шулай ук аны да искә алдык», — диде хәзрәт.
Илдус хәзрәт Маликов йөгерү белән 1980 елдан бирле шөгыльләнә. Ул 2009 елда Кытайда «Тимер кеше» триатлонында җиңү яулаган. 2019 елда +1 градуслы суда 10 чакрымны 24 сәгатьтә йөзеп, рекорд куюга ирешкән.
Кызыклы яңалыкларны күзәтеп бару өчен Телеграм-каналга язылыгыз