Киров өлкәсендә татар авыллары иҗтимагый оешмасы Кубогы өчен бозда хоккей уйнадылар

Җиӊүне Урта Шөн авылы хоккейчылары яулады.

(Казан, 29 гыйнвар, «Татар-информ»). 2020 елныӊ 25 гыйнварында Киров өлкәсе Нократ аланы Урта Шөн авылында 5нче Төбәкара Бөек Ватан сугышында Җиӊүнеӊ 75 еллыгына һәм ТАССРның 100 еллыгына багышланган Бөтенроссия татар авыллары иҗтимагый оешмасы Кубогы өчен бозда хоккей ярышы узды. Бу турыда Бөтендөнья татар конгрессы сайтында хәбәр ителә.

Ярышта Киров өлкәсе, Татарстан Республикасы һәм Удмуртия Республикасы командалары катнашты. Җиӊүне Урта Шөн авылы хоккейчылары яулады.

Хоккей ярышын уздыручылар Киров өлкәсе татарларыныӊ мәдәни-мәгърифәт иҗтимагый оешма җитәкчесе Р.Фәсхетдинов, Нократ аланы район җитәкчесе А.Чернов, Урта Шөн авыл җирлеге җитәкчесе Ф.Ибрагимов.

Чараны оештыруда Бөтендөнья татар конгрессы Башкарма комитеты җитәкчесе Р.Закиров, Бөтенрәсәй татар авыллары иҗтимагый оешмасы җитәкчесе Ф.Галимов зур ярдәм күрсәтте.