«Ак Барс» рәттән өченче тапкыр җиңү яулады

“Татнефть-Арена”да “Югра”га каршы уен 4:1 исәбе белән тәмамланды.

(Казан, 28 октябрь, “Татар-информ”, Сергей Гаврилов). Кичә КХЛ чемпионатының чираттагы матчында “Ак Барс” Ханты-Мансийскиның “Югра” командасын кабул итте һәм 4:1 исәбе белән җиңде.

28 матчтан соң Казан командасы 55 очко белән “Көнчыгыш” конференциясендә беренче урынны били. “Барслар” чираттагы уенны иртәгә Екатеринбургның “Автомобилист” командасына каршы үткәрәчәк.

«Ак Барс» – «Югра» (Ханты-Мансийск) – 4:1 (3:0, 1:0, 0:1).

Алкаларны керттеләр: Ткачев (7, 13, 38), Глухов (14) – Хлыстов (43).

Штрафлар: 10 – 12.