Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Быел илкүләм проект буенча 4 районда ГТО нормативларын тапшыру мәйданчыклары ачыла
«Демография» илкүләм проекты физик культура һәм спорт белән даими шөгыльләнүче халык санын 55 процентка кадәр җиткерү бурычын тота.
![Быел илкүләм проект буенча 4 районда ГТО нормативларын тапшыру мәйданчыклары ачыла](https://tatar-inform.tatar/resize/shd/images/uploads/news/2021/8/23/c5ab9ac14aae8205326f7a6bb227aff32fa548073b03188789202dd228a3.jpg)
(Казан, 24 август, «Татар-информ»). 2021 елда «Демография» илкүләм проектының «Спорт –тормыш нормасы» федераль проекты буенча, Татарстанның дүрт районында ГТО нормативларын тапшыра торган спорт мәйданчыклары ачылачак. Алар Нурлат, Яшел Үзән, Чистай һәм Биектау районнарында урнашачак.
Шулай ук быел Кукмарада универсаль спорт залы төзелеше тәмамлады. Әлеге объектның рәсми ачылышы 17 августта булды.
Илкүләм проект буенча Казанның Россия Герое С.А. Ашихмин исемендәге 130нчы урта мәктәбе территориясендәге физкультура-сәламәтләндерү комплексы, шулай ук стендка ату һәм пуля белән ату буенча спорт мәктәпләре җиһазлар һәм инвентарьлар белән тәэмин ителде.
Моннан тыш, Татарстан һәм Россиянең спорт резервын әзерләүче 10 спорт оешмасына җиһаз, инвентарь, экипировка һәм 5 Ford Focus микроавтобусы сатып алынды.
Илкүләм проектлар Россия Президенты Владимир Путинның «май указлары» нигезендә 2019 елдан гамәлгә ашырыла. Алар илнең үсеше максатында «Сәламәтлек саклау», «Мәгариф», «Экология», «Демография», «Фән», «Мәдәният», «Торак һәм шәһәр мохите» кебек 12 юнәлешне колачлый.
«Демография» илкүләм проекты физик культура һәм спорт белән даими шөгыльләнүче халык санын 55 процентка кадәр җиткерү бурычын тота. Бу күрсәткечкә ирешү өчен кешеләрне спорт белән шөгыльләнергә этәрүче ГТО комплексларын актив рәвештә үстерергә кирәк.
Кызыклы яңалыкларны күзәтеп бару өчен Телеграм-каналга язылыгыз