Түбән Камада велосипедчылар 8 чакрым юл үтәчәк

Анда велосипедта йөри белүче һәркем катнаша ала.

(Казан, 24 май, "Татар-информ"). Бу якшәмбе, 26 майда Түбән Камада шәһәркүләм велоузыш үткәрелә. Анда велосипедта йөри белүче һәркем катнаша ала. Колонна ЮХИДИ озатуында хәрәкәт итәчәк һәм 8 чакрым юл үтәчәк. Бу турыда Түбән Кама муниципаль районы рәсми сайтында хәбәр ителә.

"Гаилә" паркында парадка "Яшел Фитнес" хәрәкәте дә кушыла. Соңрак "Лента" сәүдә үзәге яныннан теләге булган һәркем велосипедта йөрергә чыга ала.

Велосипедчылар 16:30 сәгатьтә шәһәрнең Көньяк урамындагы "Магнит" сәүдә үзәге янында җыелачак.