Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Ак Барс»тан бер көндә дүрт хоккейчы китте
Казан клубы Вячеслав Основин, Артем Михеев, Вячеслав Лещенко һәм Роман Абросимовны алмаштырды.
(Казан, 23 декабрь, «Татар-информ»). Казанның «Ак Барс» хоккей клубы бер көндә дүрт уенчысын – Вячеслав Основинны, Артем Михеевны, Вячеслав Лещенко һәм Роман Абросимовны алмаштырды. Бу хакта Татарстан башкаласы командасының матбугат хезмәте хәбәр итә.
Һөҗүмче Вячеслав Лещенко һәм сакчы Роман Абросимов карьераларын «Сочи» хоккей клубында дәвам итәчәк. «Ак Барс» аларга алмашка акчалата компенсация алды. Основин һәм Михеев Чиләбе «Трактор»ына китте, алар урынына Казанга финлы Ессе Виртанен килде. Аның контракты ел ахырына кадәр гамәлдә.
Лещенко командага 2019 елның 7 ноябрендә килде, «Ак Барс»та алты матч уздырды, гол кертте һәм бер нәтиҗәле пас бирде. Агымдагы сезонда Абросимов дүрт матчта уйнады һәм файдалы нәтиҗә күрсәтмәде.
2019/2020 ел сезонында Основин 28 тапкыр бозга чыкты, чит капкага биш алка кертте һәм өч ассист ясады. Михеев исә, нәтиҗәле гамәлләр күрсәтмәде, ул сигез матчта катнашты.
Кызыклы яңалыкларны күзәтеп бару өчен Телеграм-каналга язылыгыз