Спорт 23 октябрь 2021 18:20

Казанда Айрат Хамматов призына бокс буенча Бөтенроссия ярышлары була

Турнирда Татарстан, Кырым республикалары, Свердловск, Новосибирск, Оренбург өлкәләре, Краснодар крае һ.б. төбәкләрдән килгән 120 боксчы катнашачак.

Скопировать ссылку

(Казан, 23 октябрь, «Татар-информ»). 25-31 октябрьдә Казанның Бокс һәм өстәл теннисы үзәгендә 17-18 яшьлек егетләр арасында «А» классында бокс буенча XIX Бөтенроссия ярышлары уза. Турнир атказанган спорт мастеры, дөнья чемпионы Айрат Хамматов призына була.

ТР Спорт министрлыгының матбугат хезмәте хәбәр иткәнчә, турнирда Татарстан, Кырым республикалары, Свердловск, Новосибирск, Оренбург өлкәләре, Краснодар крае һ.б. төбәкләрдән килгән 2003-2004 елгы 120 яшь боксер катнашачак.

Ярышларның программасы:

26 октябрь:

8:00 – катнашучыларны үлчәү;
13:00 – башлангыч этап;
17:00 – тантаналы ачылыш.

27-28 октябрь:

8:00 – катнашучыларны үлчәү;
13:00 – башлангыч этап.

29 октябрь:

8:00 – катнашучыларны үлчәү;
14:00 – ярым финал ярышлары.

30 октябрь:

8:00 – катнашучыларны үлчәү;
17:00 – финал ярышлары.

Сәхифәләр

Казанда Айрат Хамматов призына бокс буенча Бөтенроссия ярышлары була