Зәйдә ветеринария хезмәте җитәкчеләре чаңгыда узышты
Беренче урынны Балтач ветеринария хезмәте башлыгы Алмаз Исрафилов яулады.
(Зәй, 23февраль, «Татар-информ», «Зәй офыклары», Энҗе Әгъләмова). Кояшлы, салкын кышкы көндә республика ветеринария хезмәтенең районнардагы бүлек башлыклары «Ялта-Зәй» чаңгы спорты үзәгендә җитезлектә көч сынашты. Соңыннан җиңүчеләрне район башлыгы Разиф Кәримов шәхсән тәбрикләде.
Алдынгы булу теләге салкынлыкны тоярга да ирек бирмәде җитәкчеләргә. Шулай да ярыш нәтиҗәсез булмый. Беренче урынны Балтач ветеринария хезмәте башлыгы Алмаз Исрафилов яулады. Икенчедә Кукмарадан Рифат Кәримуллин, өченчедә Азнакайдан Рөстәм Әхмәтшин.
Зәй районының ветеринария хезмәте башлыгы Фоат Исламов беренче унлыкка керде.