Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әгерҗедә «Водоканал» ширкәте призына хоккей турниры ТАССРның 100 еллыгына багышланды
Беренче җиңүгә Свердловск командасы иреште.
(Әгерҗе, 23 февраль, «Татар-информ», «Әгерҗе хәбәрләре», Миләүшә Ягъфәрова). Әгерҗедә «Водоканал» ширкәте җитәкчесе Илдус Шәймөхәммәтов әлеге предприятие призына алтынчы тапкыр турнир уздыра. Быелгы турнир ТАССРның 100 еллыгына, Бөек Җиңүнең 75 еллыгына багышланды. Бу турыда район басмасы хәбәр итә.
Җиңү өчен Әгерҗе, Ижевск, Менделеев һәм Свердловск өлкәсеннән килгән командалар көч сынашты.
Илдус Шәймөхәммәтов райондагы хоккей федерациясе президенты да. Үзенең дә ике улы — Эмиль һәм Адил хоккей белән шөгыльләнә.
Уеннарга старт биргәнче аны ачу тантанасында район башкарма комитеты җитәкчесе Андрей Авдеев яшүсмерләр арасында хоккей спортын үстерү өчен зур тырышлык куйганы өчен Илдус Эрнест улына олы рәхмәтен җиткерде. Ә командаларга матур уен күрсәтүләрен теләде.
Ярышны Әгерҗенең «Спутник» һәм Свердловск командалары ачты. Иң беренче исәпне кунаклар ачты. Аннан әгерҗелеләр дә көндәшләре капкасына алка кертте. Өченче уенда исәп 3:3 иде. Әмма уен төгәлләнергә берничә минут кала Свердловск командасы җиңүгә иреште.
Кызыклы яңалыкларны күзәтеп бару өчен Телеграм-каналга язылыгыз