^Әлмәт хоккейчылары турнир таблицасының башында

^Әлмәт хоккейчылары турнир таблицасының башында

(Әлмәт, 22 сентябрь, “Татар-информ”, Марат Бәдретдинов). Кичә Әлмәтнең “Юбилейный” спорт сараенда “Нефтяник” һәм Сарытауның “Кристалл” командасы арасында җавап матчы узды.

Беренче уеннан аермалы буларак, сарытаулылар икенче матчны ышанычлырак үткәрде. Әмма әлмәтлеләр алканы барыбер беренче булып кертте (икенче периодта Эдурад Дмитриев). Икенче периодның 9нчы минутында Роман Баранов команданың өстенлеген ике тапкыр арттырды. Ә 20 минутлыкның ахырында кунаклар да “Нефтяник” капкасын буш итмәде. Соңгы периодта исә Әлмәт хоккейчылары өченче алкаларын кертте. Исәп – 3:1.

Ике уеннан соң 6 очко җыеп, Әлмәт клубы турнир таблицасының башында тора.