«Ак Барс» хоккейчылары Кытай командасын җиңде

«Куньлунь Ред Стар» — «Ак Барс» уены исәбе — 2:5.

(Казан, 21 ноябрь, «Татар-информ», Гөлия Хәсбиуллина). Бүген Мытищи шәһәрендә Казанның «Ак Барс» командасы Пекинның «Куньлунь Ред Стар» хоккейчыларына каршы уйнады. Матчта 5:2 исәбе белән «Ак Барс» җиңде.

Беренче период. Тугызынчы минутта «Ак Барс» һөҗүмчесе Найджел Доус гол кертте (0:1).

Икенче периодның беренче минутында Джастин Азеведо «Куньлунь Ред Стар» капкасына тагын бер алка кертә алды (0:2). Икенче минутта «Ак Барс» сакчысы Даниил Журавлёв гол кертте (0:3).

Өченче период. Икенче минутта Кирилл Петров дүртенче алканы кертте (0:4). Унынчы минутта «Куньлунь Ред Стар» уенчысы Алексей Торопченко командасының артка калышуын киметте (1:4). Уникенче минутта Пекин командасы капитаны Люк Локхарт алка кертте (2:4). Ундүртенче минутта Казан командасы капитаны Данис Зарипов та гол кертте (2:5).

Командалар составы:

«Куньлунь Ред Стар»

  • Шикин (Смит);
  • Локхарт — С. Фу — Вонг, Мёрфи — Спроул;
  • Уэллмэн — Шинкарук — Кристо, Осипов — Лофквист;
  • Торопченко — Бондра — Уэрек, Педан — Шустр;
  • П.Фу — Николишин — Монахов (Баканов), Стариков.

«Ак Барс»

  • Рейдеборн (Билалов);
  • Воронков — Азеведо — Зарипов, Юдин — Лямкин;
  • Доус — Да Коста — Тихонов, Рукавишников — Фазылҗанов;
  • Лукоянов — Бурмистров — Глухов, Журавлёв — Хенкель;
  • Петров — Кормье — Фисенко (Сафонов), Лучевников.

«Ак Барс» киләсе уенын Мәскәүдә үткәрәчәк. Казан хоккейчылары Омск шәһәренең «Авангард» командасына каршы уйнаячак. Матч 23 ноябрь көнне 19:30 сәгатьтә башлана.