Түбән Кама яшүсмерләре бокс турнирында җиңү яулады

Түбән Каманың ике вәкиле Ямаш авылында узган бокс буенча республика турнирында алтын медаль яулады

(Түбән Кама, 21 апрель, “Татар–информ”, Сергей Толмацкий). Түбән Каманың яшьләр эшләре һәм спорт идарәсенең балалар–яшүсмерләр спорт мәктәбендә шөгыльләнүчеләр бокс буенча республика турнирында җиңү яулады. Ямаш авылында узган ярышларда Татарстанның барлык төбәкләреннән диярлек килгән вәкилләр катнашты.
Турнирда 100дән артык яшь боксчы катнашты. Түбәнкамалы Антон Тайгильдин 36 килограммга кадәрге үлчәү категориясендә алтын медальгә лаек булды, аның белән бер клубта шөгыльләнүче, 48 килограммга кадәрге үлчәү категориясендә чыгыш ясаган Александр Бурини үз көндәшләренә бер мөмкинлек тә калдырмады.