Илнур Зәкәрин Кипрда бер көнлек велоузышта җиңү яулады
Татарстан спортчысы тау велоузышында уңышка иреште.
Скопировать ссылку
(Казан, 18 июнь, «Татар-информ»). Татарстан спортчысы Илнур Закарин Кипрда узган Cycling Challenge «0-2000» тау велоузышында җиңү яулады. Бу турыда Татарстан Спорт министрлыгының матбугат хезмәте хәбәр итте.
Илнур 1 сәгать 35 минут һәм 7 секунд вакыт күрсәтте. Ярышларда Россия, Кипр, Болгария, Бөекбритания, Италия, Мексика, АКШ, Украина һәм Швециядән 150 узышчы катнашты.
Ярышларны карарга тамашачылар да килгән иде.