Салават Фәтхетдиновның улы реаль пилотлар арасында виртуаль ярышта 4нче урын яулады

Ярышларда Sepang International Circuit виртуаль трассасында ярышкан 33 узышчы катнашты.

(Казан, 16 апрель, «Татар-информ»). Казанның 17 яшьлек автоузышчысы AG Team командасыннан Рөстәм Фәтхетдинов виртуаль ярышта 4нче урын яулады. Узышта 33 чын узычшы-пилот катнашты.

Ярыш Sepang International Circuit виртуаль трассасында TCR (Туринг) классында узды.

Фәтхетдиновтан тыш, ярышларда Казанның тагын ике пилоты катнашты. AG Team вәкиле Никита Дубинин — 8нче урында, ә «Чынгызхан» клубыннан Әнвәр Тутаев виртуаль дистанциядән төшеп калды.