Хоккейчыларның күпчелеге, шулай ук «Ак Барс» уенчылары, плей-оффны туктату яклы
«Барыс» командасы Гагарин Кубогы өчен уеннарда катнашудан баш тартты.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 16 март, «Татар-информ»). Плей-оффның икенче раундына чыккан Континенталь хоккей лигасы клублары хоккейчыларының 60 проценты уеннарны туктату яклы. Бу хакта уенчылар арасында аноним сораштыру үткәргән «Спорт-Экспресс» хәбәр итә.
Басма Гагарин Кубогы ярышларында катнашырга тиешле СКА, ЦСКА, «Динамо» (Мәскәү), «Ак Барс», «Салават Юлаев», «Сибирь» һәм «Барыс» командаларының 60 хоккейчысы арасында сораштыру үткәргән. Бүген «Барыс» командасының Гагарин Кубогы өчен уеннарда катнашудан баш тартуы билгеле булды.
Уенчыларның 78 проценты плей-офф матчларын тамашачылардан башка уйнарга кирәкми дип саный. Шулай ук сораштыру нәтиҗәләре буенча хоккейчыларның 56 проценты коронавирустан куркуы ачыкланды. Хоккейчыларның 44 проценты 30 апрельдән соң Континенталь хоккей лигасында уйнарга әзер булуларын әйтте, 30 проценты «юк» дип җавап биргән. Сораштыруда катнашучыларның 26 проценты җавап бирергә кыенсынган.