Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Алинә Заһитова карьерасын ни өчен туктатып торуын аңлатты
Җомга көнне Беренче канал эфирында 17 яшьлек спортчы үзенең спорт карьерасын вакытлыча туктатырга карар кылуы турында хәбәр итте.
![Алинә Заһитова карьерасын ни өчен туктатып торуын аңлатты](https://tatar-inform.tatar/resize/shd/images/uploads/news/2019/12/15/46819d7befdad3c2e8be93507ce74ca5eae3f343177b33fce01c97564245.jpg)
(Казан, 15 декабрь, «Татар-информ»). Ялгыз фигуралы шуу буенча олимпия чемпионы Алинә Заһитова үзенең карьерасын туктатып тору турындагы гаризасын аңлатты. Бу хакта РИА Новости хәбәр итә.
«Мин бик дулкынландым (интервью вакытында. - Ред. иск.) һәм үз фикеремне төгәл җиткерә алмадым. Минем өчен фигуралы шуу - ул минем тормышым, шуңа омтылып дүрт яшьтән башлап эшләгән хезмәтем һәм хәзер дә көн саен эшләвемне дәвам итәм. Минем барлык казанышларым, Олимпия алтыны һәм дөнья чемпионаты алтынын да кертеп, очраклы түгел,<...> мин туктап калырга һәм, бигрәк тә, китәргә җыенмыйм», - дип яза Заһитова Instagram битендә.
Заһитова, элеккечә үк, халыкара ярышларда илкүләм җыелма команда составында чыгыш ясарга теләвен әйтте.
Җомга көнне Беренче канал эфирында 17 яшьлек спортчы үзенең спорт карьерасын вакытлыча туктатырга карар кылуы турында хәбәр итте, чөнки аңа бозга чыгу теләген кире кайтарырга кирәк. Шул ук вакытта Заһитова «мөмкин булган бөтен нәрсәне» отуын да билгеләп үтте.
Кызыклы яңалыкларны күзәтеп бару өчен Телеграм-каналга язылыгыз