Спорт 15 сентябрь 2020 22:27

Әлмәтнең йөзү буенча җыелма командасы беренче тапкыр Татарстан Кубогында җиңде

Ярышлар 9-12 сентябрьдә Казанда узды.

Скопировать ссылку

(Әлмәт, 15 сентябрь, «Татар-информ», «Әлмәт таңнары»). Әлмәтнең йөзү буенча җыелма командасы беренче тапкыр Татарстан Кубогында җиңде. Ярышлар 9-12 сентябрьдә Казанда узды. Анда Олимпия резервы спорт мәктәбе йөзүчеләре катнашты. Бу турыда район басмасы хәбәр итә.

Балалар шәхси зачетларда бик яхшы нәтиҗәләр күрсәтте. Ярышларда төрле дистанцияләрдә һәм йөзү стильләрендә Эдуард Вәлиәхмәтов өч 1нче һәм ике 2нче урыннарны алды. Никита Королев өч алтын һәм бер көмеш медаль яулады. Ренат Нәҗипов көмеш һәм алтын медальләргә ия булды.

Эстафета да Әлмәт командасы өч көн рәттән «Ирекле стиль белән 4×100», «Ирекле стиль белән 4×200», «4×100 комплекс» компетенцияләрендә иң яхшысы булды. Безнең шәһәр җыелма командасы беренче тапкыр Татарстан Республикасы шәһәрләре җыелма командалары арасында медаль зачетында җиңү яулады.

Спортчыларның тренерлары — Светлана Вәлиәхмәтова һәм Надежда Ожегина.

Сәхифәләр

Әлмәтнең йөзү буенча җыелма командасы беренче тапкыр Татарстан Кубогында җиңде