Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Дакар-2021» җиңүчесе Дмитрий Сотников: Минем сүзем юк, эмоцияләр генә өстенлек итә
35 яшьлек автоузышчы идарәсендәге «КАМАЗ» экипажы йөк машиналары арасында генераль классификациядә беренче урын алды.
(Казан, 15 гыйнвар, «Татар-информ»). «КАМАЗ-мастер» командасы пилоты Дмитрий Сотников үз карьерасында беренче тапкыр «Дакар» раллие җиңүчесе булды. Ул Согуд Гарәбстанындагы триумфыннан алган хис-кичерешләре белән уртаклашты.
«Минем сүзем юк, эмоцияләр генә өстенлек итә. Җиңүебезгә ышана да алмыйм әле. Без бу җиңүгә берничә ел бардык, акрынлап якынайдык. Хәзер мин бик бәхетле, барлык егетләр белән горурланам. Бу фантастика, безнең экипаж һәм команда беренче урынны алу өчен авыр эш башкарды», — диде ул.
«КАМАЗ-мастер» командасының «Дакар» раллиенда өч призлы урынны алуына шатмын. Бу уңышка ирешү өчен күп көч түгелгән. Бу юлдагы көрәш кенә түгел, команданың тырыш хезмәте. Һәр махсус участок чын сынау иде, безнең КАМАЗ үзен тиешле дәрәҗәдә күрсәтә алды. Ярдәм итүчеләргә, ышанучыларга һәм экипаж өчен җан аткан һәр кешегә рәхмәт!», — дип сөйләде Дмитрий Сотников «КАМАЗ-мастер» командасы матбугат хезмәтенә.
Искәртеп узабыз, генераль классаификациядә икенче һәм өченче урынны да «КАМАЗ» –мастер командасы алды. Антон Шибалов көмеш медальгә, ә Айрат Мәрдиев алтын медальгә ия булды.
Кызыклы яңалыкларны күзәтеп бару өчен Телеграм-каналга язылыгыз