Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Кама студенты «Абилимпикс» конкурсының төбәк этабында җиңү яулады
Җиңүчеләр Мәскәүдә узачак ил чемпионатында Татарстан данын яклаячак.
(Казан, 14 ноябрь, «Татар-информ»). Түбән Кама медицина көллияте студенты Евгений Акулов инвалидлар һәм мөмкинлекләре чикләнгән кешеләр өчен «Абилимпикс» һөнәри конкурсында үз компетенциясендә беренчелекне алды. Бу турыда район басмасы хәбәр итә. Бу турыда Түбән Кама муниципаль районы рәсми сайтында хәбәр ителә.
Түбән Камада чемпионатның төбәк этабы узды — медицина көллиятенең күрмәүче студентлары, Казан һәм Әлмәт белгечләре «Массаж ясаучы» юнәлеше буенча ике категориядә ярышты.
8 конкурсант арасыннан безнең шәһәр данын 5 кеше яклады, алар барысы да өченче курста укый.
Ярыш ике этапта узды: катнашучылар модельләрдә классик һәм ирекле массаж ясап күрсәттеләр. Экспертлар булып, махсус курс узган шәһәр дәвалау-профилактика оешмалары белгечләре торды.
«Студентлар» категориясендә беренче урынны Евгений Акулов яулады, ә «Белгечләр» категориясендә — Әлмәттән Рөстәм Минголов. Алар икесе дә ноябрь ахырында Мәскәүдә узачак ил чемпионатында Татарстан данын яклаячак.
Кызыклы яңалыкларны күзәтеп бару өчен Телеграм-каналга язылыгыз