Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Самара командасы шашка буенча дөнья беренчелегендә җиңде
Алар Төркиядә узган дөнья беренчелегендә җиңүләрен ТАССРның 100 еллыгына багышлаган.
(Казан, 14 октябрь, «Татар-информ»). Самараның Фәхретдин Канюкаев җитәкчелегендәге шашистлар командасы рус шашкалары буенча Төркиядә узган дөнья беренчелегендә чемпион булды. Бу хакта Бөтендөнья татар конгрессы хәбәр итә.
Финал өлешендә 3 ил, Россия, Украина, Төркиянең җыелма командалары катнашты. Бу чемпионатта дөньяның иң көчле 20дән артык гроссмейтры да бар иде. Россиядән 5 җыелма команда көч сынашты. Шулар арасыннан Идел буе Федераль округыннан килгән Самара өлкәсенең Похвистнево районы Мәчәләй авылы командасы блиц программада беренчелекне яулады.
«Әлеге җиңүебезне ТАССРның 100 еллыгына багышладык», — диде команданың капитаны, шашка уены буенча дөнья чемпионы, Бөтендөнья татар конгрессының Милли шура әгъзасы, Самара өлкәсе «Дуслык» оешмасы җитәкчесе Фәхретдин Канюкаев. Җиңүчеләр Татарстан флагын тотып фотога да төшкән.
«Бәлки, киләсе дөнья чемпионаты бүгенге чемпионнар командасының җитәкчесе Фәхретдин Бәдретдин улы Канюкаевның туган җире, Самара өлкәсенең Мәчәләй дигән татар авылында узар. Моңа аларның статуслары да, хокуклары да, теләкләре дә бар», диелә бу хәбәрдә.
Кызыклы яңалыкларны күзәтеп бару өчен Телеграм-каналга язылыгыз