^"Ак Барс" Ковалевтан баш тарткан

(Казан, 14 июнь, "Татар-информ", Александр Абрамов). Казанның "Ак Барс" җитәкчелеген 2005 ел дөнья чемпионатының иң яхшы һөҗүмчесе, Россия җыелма командасының капитаны Алексей Ковалев кызыксындырмый.

Ковалев "Советский спорт"ка биргән интервьюсында "Ак Барс" белән яңа килешү төзүе турындагы мәгълүматны кире какты. " Мин узган атнада Казанда булдым. Дусларым белән күрештем, шәһәр янында ял иттем. Моннан тыш клуб җитәкчелеге белән сөйләшүләр алып бардым. Минем хезмәтем белән кызыксынмауларын аңладым. Алар икенче юнәлеш - составны яшәртүне сайлаган. Хәзер "Ак Барс"та уйнамаячакмын. Дүшәмбе кич белән Мәскәүгә, ике көннән ике атнага Төркиягә китәм.