Зәйнең яшь көрәшчесе Россия чемпионы булды
Җәмил Ибраһимов 50 кг үлчәү авырлыгында җиңде.
Скопировать ссылку
(Зәй, 13 март, «Татар-информ», «Зәй офыклары»). Көрәш буенча Россия беренчелеге Казанда 11-13 март көннәрендә узды. Анда илнең 32 төбәгеннән 250 иң көчле спортчылар катнашты. 15-16 яшьлекләр арасында 50 кг үлчәү авырлыгында Зәй егете Җәмил Ибраһимов җиңү яулады.
«Безнең Җәмил илдә беренче булуын дәлилләде. Без аның белән бу җиңүгә бергәләп килдек», — диде аның тренеры Айрат Минһаҗев.