Сабада яңа спорт мәйданчыгы ачылды
Кызыл тасма киселгәч, Саба спортчылары баскетбол уенында көч сынашты.
Скопировать ссылку
(Саба, 12 август, «Татар-информ», «Саба таңнары», Илмира Галимуллина). Сабаның «Бәләкәч» балалар бакчасы янында волейбол-баскетбол спорт мәйданчыгы ачылды. Бу турыда район басмасы хәбәр итә.
Аны ачуда Татарстан спорт министры урынбасары Алмаз Миңгулов, Саба муниципаль районы башлыгы Рәис Миңнеханов катнашты.
Мәйданчыкны ачу өчен кызыл тасма киселгәч, Саба спортчылары баскетбол уенында көч сынашты. Янәшәдә район мәдәният йорты хезмәткәрләре балалар өчен күңелле уеннар оештырды.