Нурлат районында мини-футбол мәйданчыгы ачылды

Яңа универсаль спорт мәйданчыгы Чулпан авылында урнашкан.

(Казан, 12 август, «Татар-информ»). Татарстанның Нурлат районы Чулпан авылында мини-футбол мәйданчыгы ачылды. Ул республика шәһәрләре һәм торак пунктларында, муниципаль берәмлекләрдә универсаль спорт мәйданчыклары төзү программасын гамәлгә ашыру кысаларында ачылган. Бу турыда Татарстан Спорт министрлыгы хәбәр итә.

Чулпан авылында мәйданчыкны ачу тантанасында Нурлат муниципаль раойны башлыгы Алмаз Әхмәтшин һәм Татарстан Премьер-министры урынбасары Марат Җәббаров катнашты.

2020 елда программа ТАССРның 100 еллыгын бәйрәм итү кысаларында гамәлгә ашырыла. Ул «Демография» илкүләм проектныңы бер өлеше булып тора.