Әлки районы каратэчылары башкала призерлары булды

(Әлки, 12 май, "Татар-информ", "Әлки хәбәрләре"). Киокусинкай каратэ буенча Казан шәһәре кубогына Әлки районының яшь спортчылары уңышлы чыгыш ясады. Бу турыда җирле басма хәбәр итә.

Милана Варламова алтын медальгә ия булды. Злата Ермолаева, Мария Кудряшова, Дмитрий һәм Роман Лаврентьевлар үз категорияләрендә икенче урын алдылар. Алар барысы да Иске Матак мәктәбе укучылары, тренер Геннадий Вассунов (ул ярышларда хөкемдар буларак та катнашкан) кул астында шөгыльләнәләр.