Спорт 12 март 2022 16:39

Россия фигуралы шуу буенча дөньякүләм Гран-приның үз вариантын булдырачак

Халыкара тимераякта шуучылар берлеге (ISU) санкцияләрен исәпкә алып, оешма дөньякүләм ярышларның төрле вариантларын карый, дип искәртте Александр Горшков.

Скопировать ссылку

(Казан, 12 март, «Татар-информ», Артур Хәлилуллов). Россия фигуралы шуу буенча дөнья Гран-приеның үз вариантын булдырырга мөмкин. Россия Тимераякта фигуралы шуу федерациясе башлыгы Александр Горшков «Матч-ТВ» телеканалы эфирында шулай дип белдерде.

Аның сүзләренчә, Халыкара тимераякта шуучылар берлеге (ISU) санкцияләрен исәпкә алып, оешма дөньякүләм ярышларның төрле вариантларын карый. Шул исәптән Гран-при сериясенең тиңдәшен булдыру хакында да сүз бара, анда, мисал өчен, Кытай һәм Грузия катнашачак.

«Без бу мәсьәләне өйрәнәбез, әлегә ул идея стадиясендә генә. Төрле вариантлар карала, шуңа күрә әле төгәл генә берни дә әйтә алмыйм», - дип белдерде Горшков.

Элегрәк фигуралы шуу буенча Олимпия чемпионнары Камилә Вәлиева һәм Алинә Заһитованың Этери Тутберидзеның «Чемпионнар бозда» дигән гастрольләр тамашасында катнашачагы турында хәбәр ителгән иде.

Сәхифәләр

Россия фигуралы шуу буенча дөньякүләм Гран-приның үз вариантын булдырачак