"Ак Барс" Санкт-Петербургта оттырды, ә "Нефтехимик" Череповецта җиңде

(Казан, 11 март, "Татар-информ", Фәрит Җиһангиров). Казанның "Ак Барс" командасы Россия хоккей Суперлигасы чемпионатында 10 матчлы оттырышсыз сериясен өзде. Кичә Зиннәтулла Билалетдинов командасы Санкт-Петербургның СКА командасына 4:5 исәбе белән оттырды. Казан клубы составында Ковальчук, Козлов, Морозов һәм Зарипов аерылып торды.

"Ак Барс" турнир таблицасында дүртенче урында калды, плей-оффның 1/4 финалында аның көндәше Ярославльнең "Локомотив" командасы булыр, мөгаен. Тимер юлчылар командасы соңгы турда кунакта "Магнитка"ны җиңде (2:1), ярославльлеләр арасыннан җиңү алкасын овертаймда Алексей Яшин кертте. Түбән Каманың "Нефтехимик" Череповецта "Северсталь" 2:1 исәбе белән җиңеп, плей-оффка чыгу мәсьәләсен хәл итте.